К. Даваа тыва хүреш маргылдаазынга деткикчилээн
26 декабря 2016 - 07:54
Декабрь 24-те «Сүбедей» спорт комплекске кожууннарның ээлчег аайы-биле эрттирип турары тыва хүреш маргылдаазы болган.
Чаңчыл болган маргылдааны бо удаада Чаа-Хөл кожуун эрттирген. Кожууннуң удуртулгазының, культура ажылдакчыларының болгаш мөгелериниң маргылдааны бедик деңнелге эрттиргенинге келген аарыкчы чон өөрүп, тыва мөге оолдарывыстың чараш хүрештерин мага ханып көрүп алган.
Тыва Республиканың Дээди Хуралының (парламентизиниң) Даргазы Каң-оол Тимурович Даваа солун маргылдааның хүндүлүг аалчызы болуп, шүглүп үнген тиилекчи мөге Сайын-Белек Түлүшке 15 муң рубльди бодунуң өмүнээзинден тывыскан.
Дараазында айда ук маргылдааны эрттирерин Тере-Хөл кожуун хүлээнген.