Верховный Хурал (парламент) Республики Тыва

Официальный сайт search.png   vkontakte   facebook   twitter

Дүрген сумузунуң тургузуун эде көөрүн дилээн

23 марта 2018 - 10:19

Дүүн, март 22-де, Тыва Республиканың Дээди Хуралының (парламентизиниң) депутаттары Александр Санданович Санчат биле Эрес Свертович Хайын Таңды кожууннуң Дүрген сумузунуң Сосновка, Дүрген болгаш Хадың-Аксы суурларынга чедип, соңгукчулар-биле ажылчын ужуражылгаларны кылганнар. 

Тыва парламентиниң депутаттары  болгаш Таңды кожууннуң чагырга даргазы Алик Кертик-оолович Монгуш, Дүрген сумузунуң баштыңы - Төлээлекчилер хуралының даргазы Наталья Суваңовна Монгуш чурттакчы чоннуң айтырыгларынга чогуур харыыларны берип, оларның саналдарын болгаш дилеглерин демдеглеп ап турганнар.

1100 кижи чурттакчылыг Сосновка суурну, 1900 чурттакчылыг Дүрген суурну болгаш 200 кижи чурттакчылыг Хадың-Аксын чаңгыс Дүрген сумузу  кылып кааны арай чонга таарымча чок байдалды тургузуп турар болган.

Чүге дизе, ол үш суурну Дүрген суурда турар чаңгыс чагырга чери харыылап турар болганда, ылаңгыя Хадың-Аксы суурнуң чурттакчылары чагыргаже херек кылыр дизе, 25 километр черде турар Дүрген суур чедер ужурга таваржып турар. Ол ышкаш Хадың-Аксы биле Сосновка суурларның почта салбыры база чаңгыс болганда, почта чедер дизе, база-ла Сосновка баар бооп турар.

Бо бүгү байдалдарны чонга эптиг талазынче эде көөрүнүң аргаларын депутаттар болгаш удуртукчулар өөренип көөр болганнар. 



Возврат к списку