Верховный Хурал (парламент) Республики Тыва

Официальный сайт search.png   vkontakte   facebook   twitter

2018 чылдың Наадым байырлалы доозулган

16 июля 2018 - 04:15

2018 чылдың Наадым байырлалының төнчү оюну тыва хүреш маргылдаазынга Тыва Республиканың Дээди Хуралының (парламентизиниң) Даргазы Кан-оол Тимурович Даваа малчыннарның болгаш көдээ ишчилерниң байырлалы 2018 чылдың Наадымы-биле тыва хүрештиң аарыкчыларынга болгаш келген аалчыларга изиг байырын чедирип, ажыл-агыйынга моон-даа сонгаар бедик чедиишкиннерни күзээш, Тыва Республиканың Чазааның Даргазы Шолбан Валерьевич Кара-оол-биле мурнакчы малчыннарга шаңналдарны база тывысканнар.

Парламентиниң Даргазы К. Даваа Наадым байырлалының хүннеринде болуп эрткен янзы-бүрү мөөрейлерниң болгаш Чазак Даргазының шаңналы дээш болуп эрткен хол бөмбүүнүң тиилекчилеринге база шаңналдарны салыглар аразында тыпсып, оларга спортчу чедиишкиннерни йөрээп турган. 

Ниитизи-биле, 256 мөгениң хүрежиниң түңнелинде, Күрүне чергелиг Начын атты Өвүр кожууннуң мөгези Одай Алдын-Сай сесче киргеш, чаалап алган. Тыва Республиканың Начын мөгези Айдың Отчурчап шүглүп үнгеш, Тыва Республиканың Арзылаң мөгези деп хүндүлүг атка төлептиг болган.



Возврат к списку