Верховный Хурал (парламент) Республики Тыва

Официальный сайт search.png   vkontakte   facebook   twitter

Баян-Тала сумузунуң кышка белеткели-биле танышкан

24 сентября 2018 - 07:33

Тыва Республиканың Дээди Хуралының (парламентизиниң) Даргазы Кан-оол Тимурович Даваа Чөөн-Хемчик кожууннуң Баян-Тала сумузунуң социал объектилериниң кышка белеткели-биле таныжып көрген. 

Уруглар сады биле ортумак школаның бажыңнары эргижирей берген-даа болза, ажылдакчылары ону эки септеп кылып алган ажыл-ижин уламчылап турар болганнар.

Уруглар ойнаар шөлчүгештиң дериг-херекселдери эргижирээн, ону база чаартыр болза эки апарганын уруглар садының ажылдакчылары келген аалчыларынга дыңнатканнар. Ол айтырыгны “Чаңгыс демниг Россия” партиязының кылып чорудуп турар төлевилелдеринче киирер деп шиитпир хүлээп алдынган.

“Чаңгыс демниг Россия” партиязының “Уруглар спорду” деп төлевилели-биле кылдынып турар ортумак школаның спорт залының септелгези арай саадап турар болган. Ону кылыр кылдыр хүлээнген ажылдакчылар-биле ужуражып, чогуур шиитпирлерни хүлээп алырын «Чаңгыс демниг Россия” партиязының Даргазы Д. Медведевтиң Тыва Республикада чон хүлээп алыр чериниң удуртукчузу Өнер Хүлерович Ондарга дааскан.

Школаның кырында чадыгларны база чаартыр ужурга таваржып турар болган. Ол ажылды школаның ажылдакчылары келир чылын кылыр кылдыр планче киирип алганнар.

Ниитизи-биле суурнуң социал объектилери кышкы одалга үезинге беленин болгаш хоойлуга удур арага садар чорукту суурда шуут чок кылганын база суурнуң чагырга ажылдакчылары илеткээннер.



Возврат к списку