Верховный Хурал (парламент) Республики Тыва

Официальный сайт search.png   vkontakte   facebook   twitter

Кан-оол Даваа хоочун спортчуларга байырын чедирген

10 марта 2019 - 13:54

Тыва Республиканың Дээди Хуралының (парламентизиниң) Даргазы Кан-оол Тимурович Даваа дыштаныр хүннерде бодунуң соңгулда округтарынга чедип, чон-биле ужуражылгаларны кылып, спортчу маргылдааларга киришкен. 

Март 9-та Улуг-Хем кожууннуң Арыскан сумузунга ук суурнуң чагырга даргазы Март-оол Бавууевич Наважаптың 40 харлаанынга, март 10-да Кызыл кожууннуң Каа-Хем суурунуң “Авырга” спорт залынга Тыва Республиканың күш-культураның болгаш спорттуң тергиини Антуан Петрович Бадыназынның 50 харлаан байырлалдарынга тураскааткан хоочуннар аразынга болуп эрткен хол бөмбүүннүң маргылдааларынга хүндүлүг аалчы болуп чедип, маргылдааларның эрттирикчилеринге дыштаныр хүннерде чонну каң кадык амыдыралче хаара тудуп, спортчу оюн-тоглааны удуртуп эрттирип турары дээш өөрүп четтиргенин илереткен. 

Хүндүлүг аалчыларга болгаш ойнакчыларынга частың башкы байырлалдары-биле Тыва Республиканың Чазааның Даргазы Шолбан Валерьевичиниң өмүнээзинден болгаш Тыва Республиканың Дээди Хуралының (парламентизиниң), база “Чаңгыс демниг Россия” партияның Тыва Республикада регионалдыг салбырының мурнундан изиг байырын чедирип, өг-бүле бүрүзүнге долу аас-кежикти, ажыл-ижинге бедик чедиишкиннерни йөрээп, кезээде демниг, бурунгаар чүткүлдүг болурун күзээн.



Возврат к списку