Кан-оол Даваа спортчуларны шаңнаан
Бөгүн, май 18-те, Тыва Республиканың Дээди Хуралының (парламентизиниң) Даргазы Кан-оол Тимурович Даваа Кызыл кожууннуң удуртуп эрттирип турары “Төрээн кожуунум» деп эр улустуң аразынга республика чергелиг хол бөмбүүнүң маргылдаазының байырлыг ажыдыышкынынга киришкен.
Тыва Республиканың Чазааның Даргазы Шолбан Валерьевич Кара-оолдуң өмүнээзинден болгаш Тыва Республиканың Дээди Хуралының (парламентизиниң) мурнундан маргылдааның эрттирикчилеринге, хоочун ойнакчы Петр Оюнович Бадыназынга, болгаш бүгү спортчуларга изиг байырын чедирип, республикада амгы үеде болуп турар политиктиг болуушкуннар-биле кысказы-биле таныштырбышаан, күш-культура болгаш спортту үнелеп, ооң сайзыралынга үргүлчү үлүг-хуузун киирип чоруур ойнакчыларга Тыва Республиканың Дээди Хуралының Хүндүлүг бижиктерин база тывыскан.