2019 чылдың Наадым байырлалы доозулган
Бөгүн, июль 15-те, Тыва Республиканың Дээди Хуралының (парламентизиниң) Даргазы Кан-оол Тимурович Даваа Наадым байырлалының төнчү кезээ тыва хүреш маргылдаазынга чедип, Тыва Республиканың Чазааның Даргазы Шолбан Валерьевич Кара-оол-биле чыглып келген чонга, аалчыларга болгаш мөгелерге малчыннарның болгаш көдээ ишчилерниң байырлалы-биле изиг байырны чедирип, ажыл-ижиниң чедиишкиннери-биле мурнакчы болган малчыннарга болгаш спортчу мөөрейлерниң тиилекчилеринге шаңналдар тыпсыышкынынга база киришкен.
218 мөгениң хүрежиниң түңнелинде Тыва Республиканың Начын мөгези Сылдыс Монгуш Тыва Республиканың Чаан мөгези Эрес Кара-Салды октааш, Тыва Республиканың Арзылаң мөгези деп хүндүлүг атты чаалап алган. Тыва Республиканың Күчүтен мөгези Аяс Монгуш биле Тыва Республиканың Чаан мөгези Сайын-Белек Түлүш үшкү-дөрткү черлерни алганнар.