Верховный Хурал (парламент) Республики Тыва

Официальный сайт search.png   vkontakte   facebook   twitter

Теве-Хая сумузунда суг улгаткан

16 июля 2019 - 15:38

Бөгүн, июль 16-да, “Чаңгыс демниг Россия” партияның Даргазы Д. Медведевтиң Тыва Республикада чон хүлээп алыр чериниң удуртукчузу, Тыва Республиканың Дээди Хуралының (парламентизиниң) Аппарадының удуртукчузу Өнер Хүлерович Ондар Чөөн-Хемчик, Сүт-Хөл кожууннарже ажылчын үнүүшкүннү кылып, ук девискээрлерде суг халавының байдалдары-биле таныжып көрген.

Чөөн-Хемчик кожууннуң Теве-Хая сумузунда суг улгадып, суурже кирип, чурттакчы чонга айыылды тургузуп турар болган. Суурнуң чону демнежип, сугну суурже киирбейн, өскээр аксырының аргаларын көрүп, хемчеглерин ап турар болганнар. Электри шугумнарының чагыларының ийизи сугнуң агымынга шыдашпайн аңдарылган, ынчангаш суурда дөрт хонук дургузунда электри чок бооп турар. Үерлээн суг аңдарылган чагыларны эде тургузарынга арга бербейн турар.

Өнер Хүлерович чурттакчы чоннуң байдалын өөренип көргеш, кожуун удуртулгазы болгаш Тываэнергосбыт-биле харылзааны тудуп, чырыкты дүрген тургузуп бээрин дилээн.      



Возврат к списку