Верховный Хурал (парламент) Республики Тыва

Официальный сайт search.png   vkontakte   facebook   twitter

Р.А. Монгуштуң чырык адынга тураскааткан тыва хүреш маргылдаазы доозулган

05 августа 2019 - 06:34

Август 3-4 хүннеринде Кызылга Россияның алдарлыг тренери, Тыва Республиканың алдарлыг ажылдакчызы Радислав Алаш-оолович Монгуштуң чырык адынга тураскааткан делегей чергелиг сумо болгаш тыва хүреш маргылдаалары болуп эрткен. 

Тыва хүрешке маргылдаа «Хүреш» стадионга дүүн эрткен. Аңаа 110 мөге киришкен, оларның аразында Якутиядан, Бурятиядан, Москвадан, а ол ышкаш Моолдан шыырак дээн мөгелер база турган.

Р.А. Монгуштуң чырык адынга тураскааткан тыва хүреш маргылдаазының киржикчилеринге Тыва Республиканың Дээди Хуралының (парламентизиниң) Даргазы Кан-оол Тимурович Даваа байыр чедирген. Ол Тываның Баштыңы Шолбан Валерьевич Кара-оолдуң мурнундан улуг маргылдааларның бедик деңнелдерде эртип турарын онзалап демдеглээш, киржикчилерге чедиишкиннерни күзээн.

Тыва хүреш маргылдаазынга Моолдуң авырга мөгези Батсуур шүүлген, Моолдуң чаан мөгези Буревсайхан үжүүрлешкен. Тываның чаан мөгелери Эрес Кара-Сал биле Сайын-Белек Тюлюш 3-4-кү черлерни ээлээннер. Шүүлген мөге «Нива» автомашина-биле шаңнаткан. Ийи дугаар шак ындыг автомашинаны 100 килге чемпион-сумотрий Мерген Монгушка (Таңды кожуун) Р.А. Монгуштуң өг-бүлезиниң шиитпири-биле тывыскан.


Возврат к списку