Верховный Хурал (парламент) Республики Тыва

Официальный сайт search.png   vkontakte   facebook   twitter

Дээди Хурал тыва чогаалчыларның съездизиниң делегаттарынга байыр чедирген

03 апреля 2022 - 10:40

ТР-ниң Чогаалчылар эвилелиниң съездизи дүүн, апрель 2-де, Тываның үндезин культура төвүнге болуп эрткен.

Дээди Хуралдың Даргазы Каң-оол Давааның даалгазы-биле парламентиниң байыр чедириишкинин депутат Айдың Монгуш номчааш, чогаалчыларга тывыскан.

«Тыва литератураның сайзыралы ТР-ниң Чогаалчылар эвилелиниң ажыл-чорудулгазындан кончуг хамааржыр. Бистер, депутаттар, республикага ном үндүрүлгезин, очулдурулга ажылдарын экижидериниң, чогаалчыларның социал болгаш өске-даа деткимчезин күштелдирериниң талазы-биле саналдарыңарны манап турар бис.

Силер, чогаалчылар, тыва дылды келир салгалдарывыска камгалап арттырарынга, ону улам сайзырадырынга үлүг-хууңарны киирип турар силер. Силерниң солун чогаалдарыңар таварыштыр өске чоннар Тываны сонуургап, билип ап турар. Тываның чогаалчыларының болгаш шүлүкчүлериниң чогаалдарын делегей чоннарының дылдарынче очулдурарының талазы-биле ажылдарны моон соңгаар идепкейжидер боор силер дээрзинге идегеливис улуг» деп байыр чедириишкининде бижип турар.

Депутат Айдың Монгуш хоойлужудулга органының тураскаалдыг медалын чогаалчы Чечен Ирбижейнин хөрээнге кадап берген.

Чогаалчылар Дээди Хуралга чылыг байыр чедириишкини, хоочун чогаалчыга шаңнал дээш өөрүп четтиргенин илереткен.


Возврат к списку