Верховный Хурал (парламент) Республики Тыва

Официальный сайт search.png   vkontakte   facebook   twitter

Тожу кожууннуң шаңналы дээш тыва хүрешке маргылдаа болуп эрткен

24 апреля 2022 - 19:07

Тожу кожууннуң шаңналы дээш тыва хүреш маргылдаазы бөгүн, апрель 24-те, Кызылда «Сүбедей» спортчу комплексиге болуп эрткен.

COVID-19 аарыгның хайы-биле ийи чыл болбаан маргылдаага 125 мөге хүрешкен. Бөгүн күжүн шенээннерниң аразында республиканың шыырак улуг болгаш аныяк мөгелери хөй болган.

Маргылдааның хүндүлүг аалчылары – ТР-ниң Дээди Хуралының (парламентизиниң) Даргазы Каң-оол Тимурович Даваа, депутат Сергей Даш-оолович Куулар, ТР-ниң саң-хөө сайыды Орлан Степанович Достай олар тиилекчилерге шаңналдар тыпсыр езулалга киришкеннер.

Бо маргылдаага чаан мөге Сайын-Белек Тюлюш шүүлген, начын мөге Баасан Баткар үжүүрлешкен. Үшкү-дөрткү черлерни Караа Алаңгы биле Айдемир Саая үлешкеннер.

Тыва хүрешке кожууннар аразында көжүп чоруур маргылдааны бо чылдың октябрь айда эрттирерин Барыын-Хемчик кожуун хүлээнип алган.

Теги:


Возврат к списку