Верховный Хурал (парламент) Республики Тыва

Официальный сайт search.png   vkontakte   facebook   twitter

Новости

22.09.2018 11:42 Кан-оол Даваа хоочун мөгеге байырын чедирген

Бөгүн, сентябрь 22-де, Тыва Республиканың Дээди Хуралының (парламентизиниң) Даргазы Кан-оол Тимурович Даваа Тыва Республиканың Арзылаң мөгези, Россияның күш-культуразының тергиини, Россия Федерациязының хостуг хүрешке спорт мастери, Моол күрүнениң Баян-Өлгий аймактың Арзылаң мөгези Маадыр-оол Кавааевич Монгуштуң 50 харлаан байырлалынга тураскааткан тыва хүреш маргылдаазынга чедип, хоочун мөгеге, ооң өг-бүлезинге изиг байырын чедирип, аас-кежикти күзээн.

22.09.2018 10:43 Чаа-Хөл кожуунга Арзылаң мөгениң байырлалы болган

Дүүн, сентябрь 21-де, Тыва Республиканың Дээди Хуралының (парламентизиниң) Даргазы Кан-оол Тимурович Даваа Чаа-Хөл кожуунга Тыва Республиканың Чаан мөгези Отчурчап Айдыңның шаңналы дээш болуп эрткен байырлыг хемчеглерге хүндүлүг аалчы бооп четкеш, Тыва Республиканың Чазааның Баштыңы Шолбан Валерьевич Кара-оол-биле Чаа-Хөлдүң чонунга Арзылаң мөгелиг болганы-биле изиг байырын чедирип, ооң изин салгаан аныяк мөгелер Чаа-Хөл кожуундан моон-даа соңгаар үнүп-ле турзун деп йөрээп, күрүне чергелиг бедик атты кызыл дерин төп чорааш, чаалап алганы дээш, Отчурчап Айдыңга белек-селээн сөңнээннер. 

22.09.2018 10:41 Баян-Тала суурнуң 90 харлаанынга тураскааткан байырлалдар эгелээн

Дүүн, сентябрь 21-де, Чөөн-Хемчик кожууннуң Баян-Тала сумузунуң тургустунгандан бээр 90 чыл болган оюнуң байырлыг ажыдыышкыны болган.Сумузунуң байырлалы-биле кады ол-ла суурнуң ортумак школазының 80 чылы, «Хадыңчыгаш» уруглар садының, «Дамба-Доржу Сат» культура төвүнүң болгаш библиотеказының 50 чыл болган байырлалдарын база хары угда дем-биле эрттиргеннер. 



При использовании и перепечатке материалов ссылка на khural.org обязательна