Ада хүнү-биле Дээди Хуралдың байыр чедириишкини
Хүндүлүг адалар!
Эр кижиниң амыдыралында эң харыысалгалыг болгаш чугула ажыл – эки ада болуру. Ооң хууда үлегери, ажылга сундулуу, өг-бүлезинге деткимчези, ава кижиге болгаш улуг улуска хүндүткелдиг чоруу – ажы-төлүнүң төлептиг кижилер, соонда барып, изин истээр салгакчылары болурунуң магадылалы.
Оолдарының ёзулуг эр кижилер кылдыр кижизиттинеринге, бодунуң чуртунуң патриоттары кылдыр хевирлеттинеринге ада кижиниң ролю кончуг улуг. Ынчангаш ада болуру – чугула хүлээлге. Ажы-төлүвүс бисти көрүп, бистиң үлегер-чижээвиске өөренир дээрзин утпаалы.
Республиканың эр кижилериниң хөй кезии Ада чорукка харыысалгалыг деп бүзүрелдии-биле чугаалап болур бис. Олар чүгле өг-бүлезиниң быжыг чөлеңгиижи эвес, а бодунуң ажы-төлүнүң өңнүү болгаш дагдыныкчызы. Онза хүндүткелди хөй ажы-төлдүг азы чааскаан ажы-төлүн кызып кижизидип, өстүрүп чоруур адаларга илередип турар бис.
Хүндүлүг адалар!
Өг-бүле байырлалы – Ада хүнүнде силер бүгүдеге ажы-төлүңер дээш чоргаарал силерге турарын, а уруг-дарыыңарга – силерниң төлептиг чижээңерни эдерер чүткүл оттурун күзедивис. Оран-саваңарга чылыгны, чырыкты, тодуг-догаа, амыр-тайбың амыдыралды күзедивис! Ада кижиниң өөрүшкүзү өг-бүлеңерни улам быжыг болгаш аас-кежиктиг болдурар болзун!
Байырлал-биле, эргим адалар!