Күчүтен мөге Аяс Моңгуш бодунуң юбилейин таварыштыр хүрештиң янзы-бүрү хевирлеринге бүгү Россия чергелиг маргылдааны эрттирген
Маргылдаа 2 хонук уламчылааш, бөгүн, апрель 2-де, сумо хүрежинге Россияның, Европаның болгаш делегейниң хөй удаа чемпиону, Наадымнарның 17 дакпыр тиилекчизи Аяс Моңгуштуң төрүттүнген хүнүнде доозулган. Чалыы спортчулар самбо, хүреш, хостуг хүреш, сумо болгаш дзюдога күжүн шенээннер.
Маргылдааның хүндүлүг аалчызы болуп Тыва Республиканың Дээди Хуралының (парламентизиниң) Даргазы Каң-оол Даваа база четкен. Ол Тыва Республиканың Баштыңының болгаш Дээди Хуралдың депутаттарының өмүнээзинден алдарлыг мөге Аяс Моңгушка мугур 50 харлааны-биле байыр чедирген.
«Наадымнарга 17 катап шүүлген Күчүтен мөге, сумо хүрежинге Россияның, Европаның болгаш делегейниң хөй удаа чемпиону өзүп орар салгал-биле арга-дуржулгазын үлежип турарынга аажок өөрүп тур бис. Ол дээрге ооң Тыва Республикада спорттуң болгаш тыва хүреш школазының сайзыралынче, келир үениң чемпионнарын кижизидеринче канчаар-даа аажок улуг үлүг-хуузу-дур. Бо маргылдааның чалыы киржикчилериниң аразында Тывавыстың адын алдаржыдар келир үениң чемпионнары бар дээрзинге бүзүреливис улуг», – деп Каң-оол Даваа чугаалаан.
Оон аңгыда, Каң-оол Даваа хүрештиң янзы-бүрү хевирлеринге маргылдааны эрттирип турары дээш Аяс Моңгушка, спортка бердингени, кадык-чаагай амыдыралче чүткүлү, өөрлериңерге үлегерлиг чижек болуп чорууруру дээш аныяк мөгелерге четтиргенин илереткен.
Именитый борец Аяс Монгуш в честь своего юбилея провел всероссийский фестиваль единоборств
Фестиваль длился 2 дня и завершился сегодня, 2 апреля, в день рождения Аяса Монгуша – двукратного чемпиона мира и многократного чемпиона России и Европы по сумо, 17-кратного чемпиона республиканских Наадымов по национальной борьбе хуреш. Юные спортсмены попробовали свои силы в самбо, национальной борьбе хуреш, вольной борьбе, сумо и дзюдо.
Почетным гостем соревнований стал и Председатель Верховного Хурала (парламента) Республики Тыва Кан-оол Даваа. От имени Главы Республики Тыва и депутатского корпуса Верховного Хурала он поздравил именитого борца Аяса Монгуша со славным 50-летним юбилеем.
«Мы рады, что 17-кратный чемпион республиканских Наадымов, двукратный чемпион мира и многократный чемпион России и Европы по сумо делится своим опытом с подрастающим поколением. Это огромный вклад в развитие спорта в Республике Тыва, тувинской школы борьбы, в воспитание чемпионов. Уверен, что среди юных участников данного фестиваля есть будущие чемпионы, которые будут прославлять нашу Туву на спортивной арене», – сказал Кан-оол Даваа.
Также Кан-оол Даваа выразил признательность имениннику за организацию фестиваля единоборств, а юных спортсменов поблагодарил за любовь к спорту, приверженность к здоровому образу жизни и достойный пример своим ровесникам.