Дээди Хуралдың депутаттары школаларның капитал септелгезин хыналдага алыр
Бөгүн, апрель 3-те, Тыва Республиканың Дээди Хуралының (парламентизиниң) Чөвүлел хуралы болган. Чөвүлел кежигүннери эрткен неделяның болуушкуннарын түӊнеп, келир сорулгаларны салган.
Дээди Хуралдың Даргазы Каң-оол Даваа апрель 1-ден эгелеп Тывада школаларның капитал септелгези эгелээнин сагындырган. Кайда ажыл чоруттунуп эгелээн, кайда эгелевээн болгаш кандыг чылдагаан-биле эгелевээниниң дугайында түңнел медээни белеткээрин ол дагзып каан. Каң-оол Даваа коллегаларын септелге ажылдарын тускай хыналдага алырын база катап кыйгырган.
Дээди Хуралдың Даргазы депутаттардан боттарының округтарынга кем-херек үүлгедиишкиннери-биле демисел чорударынга, хоойлу-дүрүм үрээр чоруктарга удур хемчеглерге шыңгыы негелделерни салырын база дилээн. База бир даалга – өртке удур хемчеглер алырынга идепкейлиг киржири. Тывада өрт айыылы улгаткан, чамдык кожууннарның ховуларында өрттер демдеглеттингенин сагындырып каалы.
Оон ыңай Чөвүлел кежигүннери чурттакчыларны Тыва Чазактың отчеду-биле таныштырылга үезинде кирген саналдарны өөренип көрген. Депутаттар чогуур яамыларның удуртулгазы-биле кады оларны шиитпирлээр болган.
Депутаты Верховного Хурала будут контролировать капитальный ремонт школ
Сегодня, 3 апреля, состоялось заседание Совета Верховного Хурала (парламента) Республики Тыва. Члены Совета подвели итоги прошедшей недели и обозначили предстоящие задачи.
Председатель Верховного Хурала Кан-оол Даваа напомнил, что с 1 апреля в Туве начался капитальный ремонт школ. Он поручил подготовить сводную информацию о том, где работы уже стартовали, а где еще не начались и по какой причине. Кан-оол Даваа еще раз призвал коллег держать на особом контроле ход ремонтных работ.
Также Председатель Верховного Хурала попросил депутатов жестко подходить к борьбе с преступностью, профилактике правонарушений в своих округах. Еще одно поручение – принять активное участие в принятии противопожарных мер. Напомним, что в Туве риск возникновения пожаров многократно возрос, а в некоторых районах уже зафиксированы степные пожары.
Далее члены Совета рассмотрели предложения, поступившие в ходе ознакомления жителей с отчетом Правительства Тувы. Депутаты будут решать их вместе с руководством профильных министерств республики.