Шекпээрниң Каткылыгда Шагаа-2024
Шекпээрниң Каткылыг олаады черлерниң малчыннары Шагаа-2024-тү Аяс Демир-Маадырович биле Рада Апый-ооловна Ооржактарның кыштаанга февраль 11-де оюн-тоглаалыг, каткы-хөглүг эрттиргеннер.
Эрес-кежээ, мал-маганы сүр-менди малчыннарның аалчылары сумунуң чурттакчылары, Барыын-Хемчик кожууннуң удуртулгазы, тус чер хуралдарының депутаттары, чоок кижилери, төрелдери болган.
Көдээ аалда Шагааның хүндүлүг аалчыларының бирээзи Дээди Хуралда хораа даргазы Алдын-Кыс Конгар болган. Аңаа «Барыын-Хемчик кожууннуң хүндүлүг чурттакчызы» медальды тывыскан. Кызылдан депутат малчыннарга Шагаа байырлалының чылыг-чымчак сөстерин йөрээгеш, белек-селектерни алгап тургаш сөңнээн.
Чыылганнар малчын аалга сеткил хандыр шагаалап: аъш-чемниң дээжизин чооглап, тыва оюннар ойнап, ырлажып, кожамыктап, хөөрежип сеткил ханганнар. Оларның каткы-иткижи Каткылыгга үр-ле чаңгыланып артар.