2018 чылдың спортчу чедиишкиннерин түңнээн
Дүүн, декабрь 18-те, Улусчу чогаадылга бажыңынга “Спортчу элита 2018” деп байырлыг кежээ болуп эрткен. Аңаа тыва спортчуларның 2018 чылда чедип алган чедиишкиннерин демдеглевишаан, дараазында чылче салыр сорулгаларын база чугаалажып көргеннер.
Тыва Республиканың Дээди Хуралының (парламенизиниң) Даргазы Кан-оол Тимурович Даваа Тыва Республиканың Чазааның Баштыңы Шолбан Валерьевич Кара-оол-биле байырлыг кежээде чыглып келген чонга изиг байырын чедирип, 2018 чылда бедик көргүзүглерлиг болган спортчуларга болгаш тренер башкыларга тыва спорттуң сайзыралынга киирип чоруур үлүг-хуузу дээш өөрүп четтириишкинни илередип, шаңналдарны база тывысканнар.
Тыва Республиканың спортчу федерацияларының аразындан эң эки чедиишкиннери дээш Тыва Республиканың спортчу хүрештер федерациязы тускай шаңналга төлептиг болган. Ук федерацияның президентизи Радислав Николаевич Наважап ооң күш-ажылын үнелеп турары дээш өөрүп четтиргенин илеретпишаан, өске спортчу федерацияларга база бедик чедиишкиннерни күзээн.
Көшкүн чоннарың үшкү делегей чергелиг маргылдаазының түңнел хүрежинге шүглүп үнгеш, тыва чонун алдаржыткан аныяк мөге Айдын Монгуш бажың садып алыр сертификатты база холга алыр аас-кежиктиг болган.