Депутаттар соңгукчуларынга Шагаа-биле байыр чедиргеннер
06 февраля 2019 - 05:16
Шагаа байырлалында Тыва Республиканың Дээди Хуралының (парламентизиниң) депутаттары боттарының соңгулда округтарынче үнүүшкүннерни кылып, байырлыг хемчеглерге идепкейлиг киржип, боттарының талазындан чолукшулгаларны кылганнар.
Чурттакчы чонга чаа үнүп келген чер олуттуг сарыгзымаар Хаван чылы-биле долу аас-кежикти күзеп, улуг өгбелерге хүндүткелдиң ак кадактарны сунуп, бичии чаштарга чигирзиг белектерни тутсуп, чолукшулга езулалын кылып, эң эки күзээшкиннерлиг байыр чедириишкиннерин сөңневишаан, чон-биле ужуражылгаларны кылып, чаа үнүп келген чылда оларның күзелдерин болгаш сагыш-сеткилин үлежип көргеннер.